Amerikalı alimlər 36 ildən bəri sirr saxladıqları faktları nəhayət ki, açıqlayıblar.
ABŞ-ın Milli Aeronavtika Agentliyinin (NASA) 1976-cı ildə Marsa yolladığı "Viking 1" kosmik orbital aparatı "qırmızı planet"in səthinə enmişdi.
Həmin ekspedisiya ilə bağlı olaraq NASA-nın yaydığı və indiyədək təkrarladığı bütün bəyanatlarda "Marsda canlı həyat izləri tapılmadı" tipli idi.
Lakin dünən NASA mənsubları bu açıqlamaların yanlış olduğu və əslində "Viking 1"in Mars səthində həyat izlərini aşkarladığını vurğulayıb.
"Viking 1"in Marsdan götürdüyü süxur nümunələrində duz, minerallar və ən başlıcası, mikroblar səviyyəsində həyat izlərinin varlığı üzə çıxıb.
Kaliforniyadakı Kek və İtaliyanın Siena universitetinin alimləri də bunu təsdiqləyərək Marsda həyat olduğuna əsla şübhə etmədiklərini deyiblər.
Bununla belə, NASA yalan danışdığını tam etiraf etmək istəmir.
NASA-nın Ames Tədqiqat Mərkəzinin eksperti Kristofer MakKey deyib: "Mars səthindən gətirilmiş süxurlarda üzvi maddələrin və ya birləşmələrin tapılması həmin planetdə həyatın varlığına dəlalət etmir. Onlar sadəcə, üzmi maddələrdir".
Məşhur bioloq Cozef Miller isə tam fərqli düşünür.
"İndiyədək aparılmış araşdırmaların nəticələrinə istinad edərək deyə bilərəm ki, Marsda həyatın mövcudluğunu 99 faizlik ehtimalla söyləyə bilərəm. Dediklərimi sübut etməyin ən yaxşı yolu Marsa yeni orbital aparat yollayaraq, planetin səthinin mikroskopik səviyyədə tədqiq olunmasıdır", - Miller deyib.İndiyədək aparılmış araşdırmaların nəticələrinə istinad edərək deyə bilərəm ki, Marsda həyatın mövcudluğunu 99 faizlik ehtimalla söyləyə bilərəm. Dediklərimi sübut etməyin ən yaxşı yolu Marsa yeni orbital aparat yollayaraq, planetin səthinin mikroskopik səviyyədə tədqiq olunmasıdır